اسكالوبيني موتزاريلا , اسكالوبينا من المطبخ الإيطالي Scaloppini Mozzarella 

Scaloppini Mozzarella اسكالوبيني موتزاريلا أو الاسكالوبينا أكلة إيطالية شهيرة جدًا ولذيذة جدًا أساسها شرايح من اللحم محشية بمجموعة من الخضروات ومغطاة بالجبنة الموتزاريلا والصويا صوص

المكونات :

5 شرائح اسكالوب بتلو + 1 بصلة + 1 كوسة + 1 جزرة + فلفل ألوان + 2 ملعقة كسبرة خضراء مفرومة + جبنة موتزاريلا + 2 ملعقة زبدة + 2 ملعقة صويا صوص + 2 ملعقة خل أو ليمون + ملح وفلفل + زيت زيتون

بس عايزة أوضح شيء وهو إننا مش لازم نتقيد بالخضروات المذكورة ،، بمعنى إننا ممكن نضيف لو عندنا في التلاجة أي نوع خضار إحنا بنحبه ،، يعني أنا مثلاً المرة دي كان عندي ماشروم أضفته ،، وبسلة وفاصوليا أضفتهم بردو وكانت النتيجة تححححفة

الطريقة :

1. نقطع كل الخضروات شرائح طولية رفيعة .

2. في الطاسة نضع الزيت والزبدة وننزل بالبصل مقطع شرائح ،، ثم الفلفل الألوان ،، والجزر ،، والكوسة ( أو أي أنواع خضار تفضلوها ) ،، مع مراعاة إن الخضار اللي بياخد سوا أكتر نضيفه الأول .

3. نتبل بالملح والفلفل ونتركه يستوي 50 % سوى .

4. وآخر حاجة نضيفها الكسبرة الخضراا .

5. نقطع الاسكالوب شرايح رفيعة ونغسلها كويس ،، وندقها بالمدق ..

6. نحشي قطع الاسكالوب بالخضار السابق تشويحه .

7. ونلفه رول ونثبته بالخلة الخشب ،، ونتبله من برة بالملح والفلفل .

8. في طاسة نضع زيت وزبدة ونضع وحدات الاسكالوب حتى تستوي جيداً من كل الجوانب .

9. ننقلها من الطاسة ،، ونضعها في صينية تيفال أو بايركس .

10. نضع الجبنة الموتزاريلا على وحدات الاسكالوب وندخلها الفرن .

11. الصوص المتبقي من تسوية اللحمة نضيف عليه الخل والصويا صوص و4 مكعبات زبدة وملح وفلفل خفيف .

12. نضع قليل من الصوص في طبق التقديم ونضع عليها وحدات الاسكالوب ثم نغطيها بباقي الصوص

وبالهنا والشفا

الطبق ممكن نقدمه مع رز أبيض أو رز بالشعرية أو بطاطس جرتان